No coro de voces que falan oxe no nacionalismo galego, falla o meu epifonema separatista.

Moitos homes do galeguismo falan nos mitins, escriben nos boletíns e din: nós non somos separatistas –como para ceibarse dise alcume que lles botan por riba–, nós imos tamén contra o separatismo; anque, engadéu algún, nós chegaríamos a xustificalo e axudal-o si o Estado hespañol continuase cego como ata agora pra os nosos probremas esenciás.