Versión PDF

Com ocassom deste 17 de abril, data sinalada para a defesa e reivindicaçom dos nossos direitos como pres@s polític@s, o Colectivo de Pres@s Independentistas Galeg@s queremos amosar através deste comunicado o nosso compromisso com a luita de liberaçom nacional, assim como recalcar que todas as políticas repressivas utilizadas polo Estado espanhol para procurar a nossa derrota nom estám mais que destinadas ao fracasso.

Sabemos bem em que consistem os métodos democráticos de Espanha, também o sabem bem @s noss@s familiares e entorno. Qualquer que bote umha singela olhada à nossa situaçom pode decatar-se: dispersom sistemática a centos de quilómetros das nossas casas, isolamentos, soidade, limitaçons e proibiçons de comunicaçons… ainda que já som conhecidas nom deixaremos de denunciá-las.

É dever de toda pessoa comprometida com o País extender a solidariedade com @s pres@s e repressaliad@s, divulgar na sociedade galega a percepçom da vulneraçom dos nossos direitos, e como nom, reclamar o respeito dos mesmos.

O presente nom é um tempo doado para o Povo Galego, um tempo de profundizaçom da opressom nacional e social por parte de Espanha e o capitalismo. Um tempo no que querem eliminar conquistas conqueridas com muitos e longos esforços. Por isso para o CPIG o caminho de liberaçom da nossa Terra só virá dada pola luita em todos os ámbitos. Do mesmo jeito animamos o todos e todas aquelas galegas conscientes a nom ceder por aquilo que é nosso, o nosso direito a decidir o nosso futuro, o direito a ser soberanos de nós mesm@s.

Do CPIG amosamos o nosso reconhecimento às organizaçons e pessoas que persistentemente estam ao nosso carom e nos mostram a sua solidariedade. Mandamos-lhe umha forte aperta @s noss@s familiares e amig@s, apoio básico para resistir com coragem e forza todos os atrancos e eivas que dia a dia nos impom o sistema carcelário espanhol.

Das prisons espanholas berramos bem forte:

VIVA GALIZA CEIVE!!

VIVA GALIZA SOCIALISTA!

RESISTIR É VENCER!

DENANTES MORT@S QUE ESCRAV@S!

Colectivo de Pres@s Independentistas Gales@s, abril de 2012.