Versión PDF

GALICIA FOOT-BALL CLUB (1926). Equipa de futebol fundada em Buenos Aires em agosto de 1926 pola Irmandade Nacionalista Galega de Buenos Aires na sua etapa independentista. Em janeiro de 1926, a nova ING decide criar umha “seizón de Deportes”. Além de encetar a labor nacionalizadora num importante ámbito de socializaçom, o desporto, parece que a criaçom da seçom de desportos da organizaçom independentista também procurava limar fricçons internas e ajudar a criar um clima de irmandade, embora sem muito êxito. Assim, Lamas Barreiro explicaria que o grupo “tamén se desfixo a pesar das injeuciós deportivas que se lle quixeron dar” (1).

A equipa dos independentistas jogou em 31 de outubro desse ano contra o Casal Català, sendo alienados no conjunto galego os seguintes jogadores: Rey, Quesada, Dapresa, Loureiro, Saco, Lorenzo, Lois, Méndez, Villafines e Souto (2).

Houvo na Galiza outras equipas de futebol com o mesmo nome, “Galicia Foot-ball club”, embora sem estas conotaçons políticas. É o caso do Galicia Foot-ball Club de Ferrol, fundado em 1939, que no ano seguinte passa a denominar-se “Galicia Club de Fútbol”; em 1947 chamará-se “Arsenal Clube de Fútbol”, até que em 1981 opta polo definitivo Ferrol Atlético. Com o mesmo nome, “Galicia Foot-ball club”, foi fundado em 1 de janeiro de 1933 por imigrantes galegos no Salvador de Bahia a equipa hoje conhecida como Galícia Esporte Clube, que leva as cores da bandeira galega.

Notas

1. F Lamas Barreiro, “Puntualizacións”, A Fouce nº 21, 15-X-1930, p. 4.

2. Céltiga, nº 27-28, II. 1926.

* Fotografia tirada do periódico A Fouce, nº 2, onde também se pode ler umha crónica do encontro contra o Casal Catalám, cuja resultado com vitória galega "proba -segundo A Fouce- que o cadro da Irmandade Nazonalista, composto eiscrusivamente de galegos, tén de ser dentro de pouco o campeón das Sociedades da penínsua.