Versión PDF

Redaçom/ Finalmente som cinco as pessoas detidas entre ontem e hoje supostamente em relaçom com a manifestaçom de Seafa da semana passada em Compostela, protesto contra a reduçom de contrataçons e a privatizaçom do serviço de extinçom de incêndios florestais. Durante a mesma houvo lançamentos de bengalas e objetos contundentes contra Sam Caetano que, segundo a imprensa comercial, feriria um funcionário da conselharia de meio rural. Testemunhas presenciais consultadas polos companheiros da Revista Abordaxe sinalam, porém, que consideram este extremo umha montagem.

Os detidos ainda nom passárom a disposiçom judicial, nem se pechárom as diligências, polo que nom se desbotam mais detençons. Conforme indicam em Abordaxe, "os cargos que se lhe imputam polo menos ao primeiro dos detidos (o arrestado ontem) som de desordens públicas, alteraçom da ordem e lesons".

Amanhá, terça-feira, há convocada umha concentraçom solidária às 12 horas diante dos Tribunais das Fontinhas, informa Ceivar.