Versión PDF

Redaçom/ Finalmente o governo de Feijóo adiantou as eleiçons galegas para o 21 de outubro, criando umha pequena marejada no campo nacionalista galego, colhido em parte num processo de ré-composiçom bastante prematura.
O BNG concorrerá em solitário aos comícios, e Anova -força na que se integram os independentistas da FPG e MpB- em coaligaçom com Izquierda Unida -no que dérom em chamar Fronte Ampla, ou "Syriza Galega"- deixando a porta aberta a que CompromisoxGalicia se incorpore. Neste último coletivo, há numerosas vozes críticas de cara a concorrer com forças alheias à Galiza. Outros partidos como Equo ou o Partido Humanista já exprimírom o seu desejo de fazer parte da dita Fronte Ampla.
No que atinge ao soberanismo situado à margem de Anova e o BNG, todo parece indicar que Nós-UP nom se apresentará como fijo nas últimas autonómicas. Sim o fará o Partido da Terra, incidindo muito na transparência e democracia direta. Causa Galiza ainda nom emitiu nengum comunicado público, polo que também todo parece apontar a que nom se apresentará a estas eleiçons.
As primeiras sondagens publicadas até o de momento parecem pôr em questom a maioria absoluta de Feijóo, e dando possibilidades de entrada no Parlamento a outras forças além do PP, PSOE e BNG.