Versión PDF

Redaçom/ Por volta de uns trinta camions de transporte de madeira fôrom sabotados no porto de Celeiro, a explanada de Vergeis e ruas de Covas em Viveiro, no polígono de Camba e numha explanada perto de Jove, assimcomo em localidades da zona da Marinha, Ortegal e Ferrol. Todas fôrom efetuadas na madrugada da terça para a quarta feira. A sabotagem mais espetacular foi a de Moeche, onde umha viatura de transporte de maderia foi queimado na zona de Lavacengos, com uns danos que superam os 150.000 euros. As furaduras de pneus fôrom efetuadas de tal jeito que se impossibilita a reparaçom, tendo que ficar todos os veículos afetados sem atividade.

A Guarda Civil investiga os factos após a denuncia das empresas afetadas, que nom se quigérom pronunciar sobre as motivaçons das sabotagens. Algumhas hipóteses relacionam os acontecimentos com a greve asturiana, pois a maioria da maderia do norte da Galiza vai parar à factoria de ENCE em Návia, comarca sob administraçom asturiana.

Entre as empresas afetadas está Maderas Villapol. Julio Aneiros, pola associaçom de proprietários de montes de Cedeira (Promace), condenou as sabotagens.