Governo do PP começa a introduzir espanhol e castrapo em instituiçons públicas
Versión PDFRedacçom / Sem amparo legal, mas com medidas tomadas de facto e sem permisso. Assi está a actuar o governo Feijoo em certas instituiçons autonómicas, onde o espanhol ganha peso e a utilizaçom pouco pudorosa do castrapo começa a fazer-se habitual.
Segundo denuncia o Portal Galego da Língua, fazendo-se eco dumha pergunta parlamentar do BNG, a Escola Galega de Administraçom Pública usa topónimos deturpados e ilegais, que incumprem a lei de normalizaçom linguística. Por seu turno, os responsáveis da informaçom do tempo da Rádio Galega evidenciam o seu desprezo polo idioma dando em castrapo o parte metereológico.
No caso da EGAP, a sua aposta anti-galega fai-se tam palpável que chega a utilizar em propaganda impressa e digital topónimos como 'Orense' volvendo, neste sentido, a usos linguísticos próprios do franquismo.
