Redaçom/ Alojada no C.S. Mádia Leva, a nova cousateca lucense inaugura-se com a ideia de ser umha ferramenta de empréstimo de objectos. Funciona ao jeito de umha biblioteca, mas sem limitar-se só a livros. Fomenta-se o sentido colaborativo, a auto-organizaçom e o anti-consumo. Em parte por vontade e com critério, mas em parte também como umha necessidade, para dar soluçons coletivas desde já às consequencias do sistema capitalista.

Redaçom/ O Ministério espanhol de Fomento decide eliminar 84 frequências semanais de comboios na Galiza, e suprime a linha Ourense-Seabra. Em 2010, em plena campanha de desmantelamento dos escuálidos serviços públicos estatais, o governinho de Feijoo na Junta decidira deixar de aportar dinheiro público para o mantemento do transporte coletivo em linhas que considera “nom rendíveis”. Desde o Ministério venhem de deixar claro que também nom vam aportar fundos para que continue funcionando.

Redaçom/ O refrigério e também projeto galego de economia social Galicola, organiza por quarto ano consecutivo o Concurso Ángelo Casal de fomento da normalizaçom linguistica, no que podem participar iniciativas de defesa do idioma, e cujo prémio é 5% das vendas dorefresco, o chamado Fundo polo Galego. O prémio será para o projeto normalizador com mais votos, ganhador do Concurso Ángelo Casal.

Redaçom/ Segundo fontes às que tivo acesso este portal, o preso arredista Hadriám Mosqueira Paços, conhecido popularmente pola alcunha de Senlheiro, será deslocado nos próximos dias da cadeia castelhana de Soto del Real para o asturiano cárcere de Villabona. A falta de mais dados, iremos ampliando informaçom quando se conheçam mais novidades ao respeito.

Redaçom/Nove anos de condena é o que pede a fiscalia do Julgado da Corunha, nun juizo que se celebrará o vindeiro 14 de Março contra o preso Jonathan Pena Rei. Os factos sucederom o ano passado, no transcurso dum juizo contra ele na cidade herculina. Segundo fontes próximas ao reo, o irmao e o pai de Jonathan achegarom-se para o abraçarem e dar-lhe ánimos quando intervirom de forma violenta as forças policiais, chegando a dislocarem-lhe um hombro ao pai, e empurrando e insultando o irmao.

Marcos A.M./ O ambiente dos centros sociais vigueses começou a empregar e difundir um sistema de cifrado para as chamadas telefónicas, com o objetivo de se tornar menos transparente perante a olhada escrutadora da polícia. Um singelo programa de software livre chamado RedPhone, descarregado nos “smartphones”, oferece essa encriptaçom, além de gratuidade dos telefonemas.

Ontem estava marcado o despejo da corunhesa, Aurélia Rei, de 85 anos, mas centos de pessoas encadearom a porta e concentrarom-se na rua para evitá-lo. Várias carrinhas de anti-distúrbios rodearom a zona e chegarom a carregar passado o meio-dia. Também apoiou o movimento popular o serviço de bombeiros e bombeiras, que se negarom a cortar as cadeias do portal e abrir-lhe passo à polícia, e mesmo colherom as pancartas das concentradas.

Redaçom/ Sucede-se em toda a Galiza, mas especialmente em Vigo o acosso e os intentos da polícia de mercar a fidelidade para a causa de companheiras independentistas. Várias já denunciarom o seguimento de polícias de paisano, identificaçons na rua e o registo dos seus carros. Mas o mais grave vem de acontecer há uns dias de duas pessoas, que se presentarom como representantes do Ministério de Interior, tentando ganhar-se afiliados à polícia dentro do movimento, mas esquecendo que nós nom nos vendemos com a mesma facilidade que eles.

Redaçom/ Ceivar data para o 16 deste mês em Lugo o recebimento popular à companheira recentemente ceivada Maria Osório. O ato terá lugar às 20h no Centro Social Mádia Leva!, na rua Serra dos Ancares 18. Aqui terá lugar o a homenagem e posteriormente umha ceia para a qual há que confirmar assistência (bem por correio a anxobaralla@gmail.com ou bem chamando ao 636828935) antes do meio-dia de amanhá, quinta 14. O preço da ceia som 10€ e consistirá e empada e cozido com opçom vegana.

Concerto solidário