|
|
19 de Setembro de 2007 |
Vendidos! Publicamos na secçom de opiniom do portal um artigo remitido polo jornalista galego emigrado em Barcelona Miguel López Calçada. O artigo forma parte de umha série de textos que iremos publicando em que o autor escreve por boca de diferentes personagens a respeito do nosso País. Visons tópicas da Galiza, emigraçom e vivências pessoais deixam-se ver nos textos remitidos polo colaborador que conta com umha dilatada carreira profissional no mundo do jornalismo.
Por Carlos Miguel Pedrosa y López de CalzadaVendi-me há dez anos por cinquenta mil pesetas sacadas dum caixom. Nom foi a derradeira vez. Daquela, adicava-me com bendita ilussom a reportagear intrépidas viagens no transporte público urbano lugués. Um bom dia, encarregaram-me fazer um especial sobre o septuagésimo quinto aniversário da empresa. A única condiçom era nom entrevistar o director: estava vetado pola presidenta. Tanta gente, tanto dinheiro dependiam do vento que lhe dera a uma boa senhora segundo se erguera pola manhã. Sairam-me as primeiras canas. Rematava de editar às três da manhã e entrava de novo a currar às onze.Tamanha inutilidade manifesta nom pode ser senom fruto da burrámia paleta própria desta grossa aldeia natal minha, pensei eu, cheio ainda de vida, esperança, futuro, força, sonhos e amor. E partim assim ver mundo, confiando na perícia gestora doutros empresários mais preparados e conscientes do seu papel como criadores de riqueza, dadores de emprego.Na rádio pública todo era tranquilidade. Tanta, que tardaram horas em anunciar a trégua duns iluminados, porque o Presidente, o de todos, nom dava dado a sua aprobaçom. Nom fora ser. Na rádio privada, o chefe passava dietas a Madrid até quando estava de baixa. A cadeia nom tardou em ir a quebra, mas no seu descarrego direi que ele nom era o único que roubava. Eu mesmo fixem-me com uma boa coleçom de CD’s.Fintando a debacle das ondas, fum dar onde um empresário moderno, de esquerdas, nosso. Pensa el. Fazia-nos perder o tempo em intermináveis reuniões que tinham o objectivo de demonstrar que ele tinha umas ideias geniais. Vive dos negócios que lhe proporcionam os amigos, o mesmo que os empresários antigos, de direitas. Penso eu. Polo demais, o mesmo de sempre: tentando que nom me despediram e, ao tempo, nom escrever mentiras. Infructuoso. A minha nai procurou educar-me para nom ser um mentirám. O que me fode é que, passado o tempo, o preço da mentira rubira tam pouco desde aquelas cinquenta mil primeiras pesetas. Um já lhe colheu o gosto a se vender. |
|
Última Atualização ( 20 de Setembro de 2007 )
|
|
Opiniom
Entrevista a Ramom Lôpez-Suevos em Gralha
 Seguimos trazendo de novo à luz conteúdos do periódico Gralha que, além do seu evidente interesse histórico, continuam a apresentar certa vigência no actual cenário político. É este o caso da entrevista a Ramom Lôpez-Suevos, do outono de 1997, no que se debulham temas de inegável importância 13 anos depois: a evaporaçom ideológica do nacionalismo institucional (“Começando polo Bloco, dizer que hoje é mais um partido do sistema onde nom se aprecia ideologia nenhuma”), a obsolescência dos partidos (“nos últimos anos, as únicas cousas interessantes nascérom à margem dos partidos, desde o reintegracionismo até o movimento de insubmissos”), a dissociaçom entre ideologia de vida e ideologia eleitoral (“Umha das cousas mais interessantes a dizer do nacionalismo nos últimos anos é que quanto mais aumentam os votos menos se nota na gente, por exemplo na evoluiçom da língua”), o colonialismo económico e cultural (“Desde logo há umha subordinaçom económica, umha opressom política e um esmagamento cultural total do país. Tudo isto está concatenado. Poderiamos-lhe chamar colonialismo versom europeia”), a independência como única opçom democrática (“Opto pola independência total. Independência até para cedê-la ou para negociá-la. Na Europa desde logo seria melhor ser um estado que umha regiom da Espanha”), a relaçom com a lusofonia (“Por outra parte, há que primar por todos os meios a relaçom com Portugal por razões culturais, geopolíticas e de contrarrestas as forças centrípetas e também por razões económicas”) e mesmo a situaçom da universidade galega (“A universidade sempre foi um factor colonizador. Sempre o foi e segue-o sendo mas hoje em dia nom se vê resposta”)
|
|
Leia mais...
|
Carlos Barros, director do Novas da Galiza: “Estimamos que nos seguem mês a mês por volta de cinco mil leitores e leitoras”
 Neste ano que está arrincando o periódico Novas da Galiza dá outro passo adiante na consolidaçom do seu projecto informativo. Lá ao longe fica aquele março de 2002, entre protestos contra a maré preta e guerra do Iraque, quando via a luz o primeiro número. No caminho, atrancos de todo tipo incluíndo denúnicas das autoridades espanholas mas, sobretudo, a firmeza de um projecto que se mantivo firme, sem ceder nas suas convicçons. Falamos aqui com Carlos Barros, o seu director, que fai balanço da vida do Novas da Galiza e os novos reptos para o futuro. |
|
Leia mais...
|
Às vezes, passam 
|
|
|
