17/01/12

Boicotam conferência da Fundaçom Francisco Franco em Vigo

Versión PDFVersión PDF
facha

Redaçom/ Uns vinte independentistas acudírom ao Clube Faro de Vigo, que programou para a segunda-feira umha conferência do neto do ditador. Os confrontos com o herdeiro de Franco, com os organizadores e com o centenar longo de assistentes nom passárom a maiores, mas evitárom que umha organizaçom fascista como é a Fundaçom Francisco Franco pudesse reivindicar com normalidade o “lado humano” do vitimário de tantas galegas e galegos.


Interrompido até a chegada da polícia

Apesar de se ter convocado publicamente, no momento de início do ato nom havia presença policial, polo que os arredistas, entre os que havia membros de Adiante, Nós-UP, AMI, e outros dos centros sociais e dos sindicatos CIG e CUT, decidírom entrar todos à sala para fazer a sabotagem no interior. Dessa maneira interrompêrom o ato durante cerca de meia hora, subindo ao estrado e proferindo berros contra o franquismo. Algum assistente provocou um conato de confronto, mas nom se chegou às maos.

Umha vez chegada a polícia continuou-se o boicote, já do fundo da sala, impedindo os reiterados intentos de começar a falar por parte da apresentadora. A polícia identificou vários militantes, que poderiam ser sancionados administrativamente, mas nom detivo ninguém.

Passada meia hora do início do ato, os independentistas retirárom-se sem nengum problema.

 

Pode-se ver a reportagem audiovisual da Galizacontrainfo aqui.

 

 

 

Outras noticias...

Nom há outras notícias

Publicidade